Tá ið tú leggur eina fíggjarætlan, hevur tú amboðið til at stýra tínum pengum, soleiðis at pengarnir ikki stýra tær. Ein fíggjarætlan gevur tær bæði yvirlit yvir tína nýtslu og møguleikar.

Allar inntøkur og útreiðslur verða skrásettar, og á tann hátt veitst tú altíð, hvussu nógv tú hevur at brúka hvønn mánað. Tað gerst samstundis lættari at leggja ítøkiligar ætlanir fyri framtíðina og at røkka tínum málum. Jú neyvari tú fyllir fíggjarætlanina út, tess betur stýrir tú tínum pengaviðurskiftum.